Kona Ba Mobile Stories

Istórias Interativas Estudantes nian husi Australia no Timor-Leste

Ita nia antesedentes molda ita nu'udar individu, eskollas saida mak ita iha asesu ba atu halo no eskolla saida mak ita hili atu halo.

Australia no Timor-Leste hanesan nasaun viziñu maibé iha área dimensaun, riku-soin no podér nasaun rua ne'e do’ok malu tebes.

Mobile Stories apresenta istória vídeo 20, galeria 10 fotografia nian no artigu hakerek 6 ne'ebé hamutuk esplora moris no subsequentes esperansas, mehi no objetivus estudantes universitarios nian ne'ebé moris iha kultura rua ne'ebé diferente tebes. Mobile Stories oferese visaun ida la'ós de'it ba moris iha moris foun ida, estadu soberanu ba dahuluk iha sékulu XXI, maibé ba mós estudante sira ne'ebé hela no estuda iha rejiaun multikultural oioin iha Western Sydney.

Australia no Timor-Leste hanesan nasaun viziñu maibé sira la dun hatene hatene malu diak. Iha tinan 2022 Timor-Leste selebra ninia independénsia ba dala 20. Nasaun ne'e muda maka'as ona dezde devastasaun ne'ebé akontese hafoin referendum ba independénsia iha 1999 ne'ebé tenki iha intervensaun husi forsa manutensaun paz ONU nian, ne'ebé Australia mak lidera, hodi restaura orden. Maske nasaun ne'e sei moris iha kiak nia laran, maibé nasaun ne'e iha demokrasia ida ne'ebé pasifika, riku iha nia furak naturál, nia kultura lokál no nia ema diak.

Western Sydney, iha parte seluk, iha populasaun ida ne'ebé kulturalmente diversifikadu liu iha Australia. Kuaze 33.3 porcentu populasaun Greater Western Sydneynian imigra mai Australia no barak mak refujiadu.

Mobile Stories explora ema nia moris no kultura ne’bé baibain la iha representatividade iha meius kominikasaun sisial prinsipais. Ho ida ne’e Mobile Stories hakarak selebra buat rua ne’e diferensa no umanidade komum.

Mobile Stories ne’e projetu kolaborasaun ida ne'ebé estudantes no profesores sira husi Universidade Western Sydney mak produz. New Colombo Plan, mak finansia, inisiativa ida asinatura Governu Australia nian ho objetivu atu hasa’e koñesimentu Indo-Pasifiku nia iha Australia. Mobile Stories oferese visaun ida la’os deit ba moris iha moris foun ida, estadu soberanu ba dahuluk iha sékulu XXI, maibé ba mós estudante sira ne'ebé hela no estuda iha rejiaun multikultural oin-oin iha Western Sydney.

Iha mundu ida ne'ebé nakonu ho fronteiras nasionais, Mobile Stories hakarak oferese ezemplu ki’ik ida maibé signifikativu kona ba oinsá nasaun viziñu rua bele mai hamutuk hodi fahe istórias amizade, kompriensaun no esperansa ba loron aban.